Песков: Москва ба сафари Эмомалӣ Раҳмон ба Сочи баҳои баланд дод

0
19
views

Сафари Эмомалӣ Раҳмон ба Россия дар рӯзҳои барояш душвор аз ҷониби Москва баҳои баланд гирифт, иброз дошт котиби матбуотии Президенти ФР Дмитрий Песков. Дар ин бора имрӯз агентии иттилоотии «Sputnik» хабар додааст.

«Ба сафари Эмомалӣ Раҳмон дар ин рӯзҳои барояш душвор аз ҷониби Москва баҳои баланд дода шуд. Шумо медонед, ки бародари калонии ӯ аз олам даргузашт. Ва ба ин нигоҳ накарда ӯ фурсат пайдо намуд, то ки  ба саммит ташриф биёрад ва бо Путин мулоқоти дуҷониба баргузор намояд», — гуфт Песков ба рӯзноманигорон.

Тавре қаблан иттилоъ дода шуд, дар оғози ин мулоқот, ки дар фазои ҳусни тафоҳум ва якдигарфаҳмӣ сурат гирифт, Сарвари Федератсияи Россия ба Президенти Ҷумҳурии Тоҷикистон бинобар сабаби марги бародарашон Нуриддин Раҳмон изҳори тасаллияту ҳамдардӣ баён дошт.

Дар суҳбат сарони ду давлат доир ба вазъи кунунӣ ва дурнамои муносибатҳои байнидавлатии Тоҷикистон ва Россия табодули афкор намуданд.

Мулоқоти президентҳо дар арафаи ҷаласаи Шӯрои сарони давлатҳои узви ИДМ ва Шӯрои олии иқтисодии Авруосиё доир гардид.

Тавре «Sputnik» хабар додааст, Президенти Россия Владимир Путин то 12 октябр бо сарони давлатҳои Ӯзбекистон ва Қазоқистон низ мулоқот мекунад.

Манбаъ:  khovar.tj

Манбаъи акс: khovar.tj

ОСТАВЬТЕ ОТВЕТ

Please enter your comment!
Please enter your name here